លោក Tim Cook (ធីម ខុក) នាយកប្រតិបត្តិនៃក្រុមហ៊ុនបច្ចេកវិទ្យាដ៏ធំរបស់អាមេរិក Apple កាលពីថ្ងៃពុធម្សិលមិញ បានប្រកាសជាផ្លូវការនូវទូរស័ព្ទស៊េរីថ្មី iPhone 7 និង iPhone 7 Plus នៅទីក្រុង San Francisco រដ្ឋកាលីហ្វ័រញ៉ា មុនពេល iPhone 7 និង iPhone 7 Plus ត្រូវចាប់ផ្តើមលក់ជាផ្លូវការណ៍ នៅថ្ងៃទី១៦ ខែកញ្ញា ឆ្នាំ២០១៦ខាងមុខ។
បើតាមសារព័តមាន GSMArena iPhone ជំនាន់ចុងក្រោយរចនាឡើងយ៉ាងពិសេសដោយអាចធន់នឹងទឹកជម្រៅ ១ ម៉ែត្រ បានរយៈពេល ៣០ នាទី ជាមួយកម្រិត IP67 ។ ជម្រើសពណ៌ថ្មីចំនួន ពីរ រួមមានពណ៌ខ្មៅរលោង (Jet Black) និង ពណ៌ខ្មៅ។ រីឯរន្ធដោតកាសទាំងនៅលើ iPhone 7 និង 7 Plus នឹងប្រើជារន្ធសម្រាប់ដោតកាសវិញ។ ប្រព័ន្ធបញ្ចេញសំឡេងនៅលើ iPhone 7 និង 7 Plus អាចបញ្ចេញសំឡេងបានឮជាង iPhone 6s ដល់ទៅ ២ ដង ដោយសារតែមានរន្ធបញ្ចេញសំឡេងបែប Stereo ដល់ទៅពីរនៅផ្នែកខាងលើនៅខាងក្រោម។ ចំពោះកាមេរ៉ាទំហំ ១២ MP លើ iPhone 7 មានការអាប់ដេត ដោយមាន Aperture f/1.8 ធំជាងមុនអាចឲ្យពន្លឺចូលបានល្អ ខ្លាំងខាងថតរូបនៅទីងងឹត ហើយថែមទាំងមានបច្ចេកវិទ្យាទប់លំនឹងរូបភាព OIS។ អង្គផ្ទុកទិន្នន័យទំហំ ១៦ GB គ្មានទៀតទេសម្រាប់ iPhone ជំនាន់ថ្មីនេះ ដែលជំនួសមកវិញដោយជម្រើសទំហំ ៣២ GB, ១២៨ GB និង ២៥៦ GB។
ប្រភពថា ទាំង iPhone 7 និង 7 Plus នឹងចាប់ផ្ដើមដាក់លក់លើទីផ្សារបរទេសនាថ្ងៃទី ១៦ កញ្ញា ខាងមុខ ដោយការកុម្ម៉ង់ទុកមុនចាប់ផ្ដើមពីថ្ងៃទី ៩ កញ្ញាតទៅ ហើយតម្លៃវិញ iPhone 7 មានចាប់ពី ៦៤៩ ដុល្លារ ឡើងទៅ និង iPhone 7 Plus មានចាប់ពី ៧៦៩ ដុល្លារ ឡើងទៅ ប៉ុន្តែគឺជាតម្លៃនៅបរទេសតែប៉ុណ្ណោះ។
ដោយ៖BM
