នៅកណ្តាលរាត្រីយប់ទី២១កុម្ភៈនេះ ស្រាប់តែកញ្ញា ម៉ារី ក៏ចេញមុខLive វិដេអូសុំទោសប្រិយមិត្តទាំងអស់ ហើយនេះក៏ចាត់ទុកជាការសុំទោសជំនួសឲ្យមិត្តភក្តិខ្លួនផងដែរ។ កន្លងអស់រយៈពេលជាងពីរខែទៅហើយ ទើបមានការលេចចេញនូវវិដេអូគួរឲ្យអាម៉ាស់នេះឡើងតាមរយៈផេកសារព័ត៌មានមួយចំនួន អមដោយការជេរប្រមាថ មើលងាយសព្វគ្រប់បែបយ៉ាង។ ដោយអត់ទ្រាំមិនបាននិងការដៀលត្មិះរបស់សាធារណជន កញ្ញា ម៉ារី បានចេញវិដេអូសុំទោសទូរទស្សនិកជនជាសាធារណៈ ដែលមានរយៈប្រវែង៥នាទី នាងបានរៀបរាប់ពីដំណើររឿងដែលនាំឲ្យកើតមានឡើងថា វិដេអូនេះគឺកញ្ញាបានថតliveតាំងពី២ខែមុនឯណោះ គឺក្នុងថ្ងៃសម្ភោធហាងបងស្រីរបស់ខ្លួន ពេលនោះនាងនិងមិត្តភក្តិបានថតសកម្មភាពបង្អួតសម្រស់គ្នាលេងសើច តែចៃដន្យមិត្តភក្តិរបស់កញ្ញា ម៉ារី ក៏ប្រហែសធ្វើឲ្យលេចចេញកេរ្ត៍ខ្មាស់ មួយកំណាត់ខ្លួនចុះក្រោម តែភ្លាមៗនោះកញ្ញា ម៉ារីក៏ព្យាយាមងាកកាមេរ៉ាចេញដែរ។ វាពិតជារឿងនឹងកស្មានពុំដល់ថា រឿងយូរណាស់ហើយបែរជាមកផ្ទុះនៅពេលនេះសោះ ដោយសារតែមានការលួចថតវិដេអូនាងទុកដើម្បីវ៉ៃប្រហារពីសំណាក់អ្នកសារព័ត៌មានមួយចំនួន ទើបធ្វើឲ្យនាងរងភាពអាម៉ាស់ខ្លាំងបែបនេះ។ ប៉ុន្តែទោះបីជាយ៉ាងណាក៏ដោយក៏កញ្ញាបានចេញវិដេអូសុំទោសសាធារណជនផងដែរ ព្រោះវាជារឿងអចេតនា នាងរួមទាំងមិត្តភក្តិគឺពិតជាគ្មានបំណងធ្វើឲ្យមានរឿងអាក្រក់កើតមាននោះទេ។
ដោយ៖BM
