រាជធានីភ្នំពេញ៖ ក្រសួងអប់រំ យុវជន និងកីឡា បានជម្រាបលោក លោកស្រីប្រធានមន្ទីរអប់រំ យុវជន និងកីឡាគ្រប់រាជធានី ខេត្តជ្រាបថា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអនុញ្ញាតឱ្យបេក្ខជននិទ្ទេស A ដែលបានប្រឡងជាប់សញ្ញាបត្រមធ្យមសិក្សាទុតិយភូមិ សម័យប្រឡង ៖ ២២ សីហា ២០១៦ ចូលជួបសំណេះសំណាលជាមួយនៅវិមានសន្តិភាព ទីស្ដីការគណៈរដ្ឋមន្ត្រី នាថ្ងៃទី២១ ខែកញ្ញា ឆ្នាំ២០១៦ វេលាម៉ោង ៨:៣០នាទីព្រឹក។
ក្រសួងបានស្នើលោក លោកស្រីប្រធានចាត់តាំងអ្នកដឹកនាំ និងអញ្ជើញបេក្ខជននិទ្ទេសA នៅតាមរាជធានី ខេត្តរបស់ខ្លួន មកចូលរួមក្នុងជំនួបប្រកបដោយកិត្តិយសដ៏ខ្ពង់ខ្ពស់ ដោយរៀបចំឱ្យបានដំណើរ និងការស្នាក់នៅ ធានាឲ្យបាននូវសុវត្ថិភាព ដល់សិស្សានុសិស្សមកពីខេត្ត ដែលរាល់ការចំណាយក្នុងបេសកកម្មនេះ ត្រូវប្រើប្រាស់ថវិការបស់មន្ទីរអប់រំ យុវជន និងកីឡារាជធានី ខេត្តសាមី។
ដោយ៖ CC
