អាល់ប៊ីត អាញ់ស្តាញន៍ កើតនៅថ្ងៃទី១៤ ខែមីនា ឆ្នាំ១៨៧៩ នៅទីក្រុង Worttemberg ប្រទេសអាឡឺម៉ង់ ក្នុងគ្រួសារថ្នាក់កណ្តាល់មួយដោយលោកជាប់សាច់ឈាមជ័រជាជនជាតិជ្វីហ្វ។ ឪពុកឈ្មោះ Hermann Einstein គឺជាបុគ្គលិកផ្នែកអ្នកលក់ និងជាវិស្វ័ករ នៅក្រុមហ៊ុនអគ្គីសនីឈ្មោះ Elektrotechnische Fabrik J. Einstein នៅក្នុងទីក្រុង Munich ប្រទេសអាឡឺម៉ង់ ដែលក្រុមហ៊ុននេះជារបស់បងប្រុសរបស់គាត់។ ម្តាយរបស់គាត់គឺជាមេផ្ទះ ហើយអាញ់ស្តាញន៍មានប្អូនស្រីតែមួយគត់គឺ Maja។
អាញ់ស្តាញន៍ បានចូលរៀននៅបឋមសិក្សាដ៏ល្បីឈ្មោះនៅ Luitpold Gymnasium នៅក្នុងទីក្រុង Munich។ ក្នុងពេលសិក្សាលោកចូលចិត្តតន្ត្រីបុរាណ និងលេងវីយូឡុង។ ក្នុងឆ្នាំ ១៨៩៤ គ្រួសាររបស់លោកត្រូវបង្ខំចិត្តផ្លាស់ទៅរស់នៅទីក្រុង មីឡែន (Milan) ប្រទេសអ៊ីតាលីវិញ ដោយក្រុមហ៊ុនរបស់អ៊ំបានក្ស័យធន។ នៅអ៊ីតាលី ការសិក្សាមិនសូវបានលទ្ធផលល្អទេ ហើយក្រោយមកក៏បានផ្លាស់ទៅសិក្សានៅប្រទេសស្វីស ដែលទីនោះហើយអាល់ប៊ឺត បានបញ្ចប់ការសិក្សាផ្លូវការ។
អាល់ប៊ឺត អាញ់ស្តាញន៍ គឺជារកឃើញ និងបង្កើតរូបមន្តសមីកាដែលបំលែង ភាគល្អិតតូចៗ ទៅជាបរិមាណដ៏ធំនៃថាពល ដែលអាចអភិវឌ្ឍន៍គាត់ត្រូវបានអញ្ជើញឲ្យទៅធ្វើជានាយកសាកលវិទ្យាល័យជាច្រើនក្នុងប្រទេសស្វីស និងប្រទេសអាឡឺម៉ង។ រឿងដ៏អស្ចារ្យមួយទៀតគឺ ការអញ្ជើញឲ្យធ្វើជាប្រធានាធិបតីប្រទេសអីស្រាអែល ប៉ុន្តែលោកបានបដិសេធ។ នៅឆ្នាំ១៩២១ អាល់ប៊ឺត អាញ់ស្តាញន៍ ក្លាយជាជ័យលាភីពានរង្វាន់ណូបែល ផ្នែករូបវិទ្យា។
នៅខែធ្នូ ឆ្នាំ១៩៣២ ដើម្បីគេចចេញពីគ្រោះថ្នាក់នៃការកាប់សម្លាប់ដោយពូកណាស៊ី លោកបានសម្រេចចិត្តទៅរស់នៅសហរដ្ឋអាមេរិច ហើយបានធ្វើការនៅវិទ្យាស្ថានមួយ នៅរដ្ឋញូជេស៊ី។
អាល់ប៊ឺត បានចាត់ទុកជីវិតនៅទីក្រុង ហ្សូរីច គឺជាពេលវេលាដ៏រីករាយបំផុតក្នុងជីវិតរបស់លោក។ លោកបានជួបមិត្តសំលាញ់ជាច្រើននៅទីនោះដូចជាអ្នកគណិតវិទូ Marcel Grossmann និង Michele Besso ជាដើម។ លើសពីនេះ ហើយរិតតែពិសេសជាងនេះ គឺលោកក៏បានជួប Mileva Maric ជានិស្សិតស្រី រៀនផ្នែករូបវិទ្យា មកពីប្រទេសស៊ែប៊ី ហើយក្រោយមកក្លាយជាប្រពន្ធរបស់គាត់។ នៅឆ្នាំ១៩១៩ អ្នកទាំងពីរបានសម្រេចចិត្តចែកផ្លូវគ្នា ដោយបន្សល់ចំណងដៃជាកូនប្រុសពីរនាក់។
ជីវិតកំពូលរូបវិទូដ៏ល្បីល្បាញនេះ បានបញ្ចប់នៅថ្ងៃទី១៨ ខែមេសា ឆ្នាំ១៩៥៥ នៅទីក្រុង ព្រីនតុន រដ្ឋញូជេស៊ី សហរដ្ឋអាមេរិច ក្នុងអាយុ៧៦ឆ្នាំ។គេបានចង់ចាំនៅពាក្យប៉ុន្មានឃ្លាមុនពេលលោកអស់ដង្ហើមទៅថា៖
ខ្ញុំចង់ទៅពេលសែលខ្ញុំចង់ទៅ គ្មានឱសថណាដែលអាចពន្យាអាយុបានទេ។ ខ្ញុំបានចែករំលែករួចហើយ នូវអ្វីដែលខ្ញុំមាន ហើយនេះជាពេលដែលខ្ញុំត្រូវទៅ។ ខ្ញុំនឹងទៅជាមួយនឹង ឧត្តមភាព។
ដោយ៖ CC
ប្រភព៖ ពេជ្រមួយពាន់គ្រាប់
