ក្រោយចំណាយពេល ៥ ឆ្នាំសិក្សាពីសេដ្ឋីនានា អ្នកនិពន្ធសៀវភៅល្បីឈ្មោះលោក
Thomas C. Corley បានរកឃើញអាថ៌កំបាំងចំនួន ៥
ដែលធ្វើឲ្យអ្នកមានកាន់តែមានថែមទៀត។
តើមានអ្វីដែលធ្វើឲ្យសេដ្ឋីទាំងនោះខុសប្លែកពីមនុស្សធម្មតា?
អ្នកមានជាច្រើនបានយកប្រាក់មួយផ្នែករបស់ពួកគេទៅវិនិយោគលើការទិញ-លក់ភាគហ៊ុន។
តែការទិញលក់នេះ បើគ្រាន់តែគិតថា ល្អទិញ ហើយចាំដល់ពេលវេលាល្អលក់យកចំណេញនោះ
វាដូចជាការចាក់ល្បែងដែលមិនចាំបាច់គិតច្រើនដែរពោលគឺ បើមិនត្រូវគឺខុស។ តែអ្នកមានដែលវិនិយោគលើការវិនិយោគដោយការទិញហ៊ុននេះយកពេលតាមដានការវិវត្តរបស់ក្រុមហ៊ុនយ៉ាងដិតដល់ប្រៀបដូចជាការធ្វើលំហាត់នៅផ្ទះដូច្នោះដែរ។
បើសិក្សាឃើញថា
អាចនឹងមានហានីភ័យពួកគេនឹងប្រញាប់លក់ចេញភ្លាមមិនឲ្យខាតធំឡើយ។
តែបើមិនតាមដានដោយយកចិត្តទុកដាក់ទេ អ្នកវិនិយោគប្រៀបដូចជាយកលុយទៅភ្នាល់ល្បែង
ដោយមិនចាំបាច់មានចំណេះដឹងអ្វីទាំងអស់អីចឹង។
២. បំណុលមានល្អ និងអាក្រក់
អ្នកប្រហែលធ្លាប់ឮហើយថា
គ្មានអ្នកមានណាដែលមិនជំពាក់គេទេ។ ពិតណាស់
អ្នកវិនិយោគភាគច្រើនខ្ចីលុយដើម្បីបង្កើតលុយ។ បំណុលនេះទៀតសោតចែកចេញជាពីរគឺបំណុលល្អ
និងបំណុលមិនល្អ។ បំណុលល្អសំដៅលើការខ្ចីលុយទៅបង្កើតអាជីវកម្មថ្មី រក្សាលំនឹង
និងពង្រីកបន្ថែម។
ចំណែកបំណុលមិនល្អសំដៅលើការខ្ចីលុយយកទៅបំប៉នមុខជំនួញដែលមិនដំណើរការល្អ
ក្រោយរយៈពេលចាប់ផ្ដើមដ៏យូររួចហើយ។
៣. សំណាងគឺមនុស្សជាអ្នកបង្កើត
ពិតមែនហើយអ្នកក្រច្រើនតែគិតថា អ្នកនេះមានសំណាង
អ្នកនោះមានសំណាងទើបក្លាយជាអ្នកមាន។ តែអ្នកមានក៏ជឿលើសំណាងដែរ គ្រាន់តែគិតថា
សំណាងគឺមនុស្សជាអ្នកបង្កើតច្រើនជាង។ សំណាងចែកចេញជាពីរដែរគឺ សំណាងដោយចៃដន្យ
និងសំណាងដែលមនុស្សបង្កើត។
សំណាងដែលមនុស្សបង្កើតគឺសំដៅទៅលើសំណាងដែលកើតចេញពីលទ្ធផលនៃទម្លាប់ដ៏ល្អប្រចាំថ្ងៃ។
ការចូលចិត្តអានសៀវភៅ ថែរក្សាសុខភាព និងដើរតាមគោលដៅដែលបានកំណត់គឺជាសំណាងដែលមនុស្សបង្កើតដោយផ្អែកលើ គ្មានអ្វីក្រៅពីសកម្មភាព
និងទម្លាប់ដ៏ល្អប្រចាំថ្ងៃឡើយ។ សំណាងមួយទៀតគឺ សំណាងដោយចៃដន្យដូចជាការឈ្នះរង្វាន់ធំ
ឬ ដើរជួបប្រទះនឹងកំណប់មហាសាលជាដើម។
៤. ការចង់ក្លាយជាអ្នកមានមិនមែនដោយសារលោភលន់
ទន្ទឹមនិងនេះដែរមនុស្សជាច្រើនគិតថា អ្នកមានទ្រព្យជាមនុស្សដែលមានមហិច្ឆតាលោភលន់ចង់មានបាន។
៩៧ ភាគរយនៃអ្នកមានក្នុងការសិក្សាខាងលើបង្ហាញថា
ភាពលោភលន់មិនមែនជាកត្តាកំណត់ភាពមានបានទេ តែការស្រលាញ់
និងចូលចិត្តការងាររបស់ពួកគេធ្វើឲ្យអ្នកទាំងនោះប្រឹងប្រែងខ្លាំងរហូតក្លាយជាសេដ្ឋី។
៥. កុំសន្សំដើម្បីក្លាយជាអ្នកមាន
អ្នករកបានមួយកាក់មួយសេន ហើយសន្សំនោះជាចំណូលមួយ។
តែការសន្សំបែបនេះមិនអាចឲ្យអ្នកក្លាយជាអ្នកមានឡើយ។ អ្នកមានភាគច្រើន
យកប្រាក់ដែលសន្សំទៅវិនិយោគបន្ត។ ពួកគេច្រើនវិនិយោគប្រាក់ទៅលើជំហានបីគឺទី១ ង្កើតអាជីវកម្មផ្ទាល់ខ្លួន ទី២ ទិញភាគហ៊ុនក្រុមហ៊ុនដទៃ និងទី ៣
ទិញ-លក់អចលនទ្រព្យ។
អ្នកមានគិតថា ប្រាក់វិនិយោគបន្ត បើខាត ១០០
ដុល្លារគឺ អស់តែ ១០០ ដុល្លារហ្នឹង។ តែបើត្រូវ ១០០ ដុល្លារអាចបង្កើត ១០០០ ដុល្លារ
ឬច្រើនជាងនោះ។
ដោយ៖ CC
ប្រភព៖ Businessinsider
