លីអូណែល ម៉េសស៊ី កើតនៅថ្ងៃទី២៤ ខែមិថុនា ឆ្នាំ១៩៨៧ នៅទីក្រុង រូសារីអូ ប្រទេសអាហ្សង់ទីន។ កាលនៅក្មេងគាត់ចូលចិត្តលេងបាល់ទាត់ជាមួយបងប្រុសទាំងពីរ និងមិត្តភក្រ្តរបស់គាត់។ នៅអាយុ ៨ឆ្នាំ គាត់បានចូលលេងជាមួយក្លឹបបាលទាត់មួយ នៅទីក្រុងរូសារីអូ ដែលគាត់ជាកីឡាករដែលក្មេងជាគេ នៅក្នុងក្លឹបនោះ។ ម៉េសស៊ី មានបញ្ហាកង្វះសារធាតុអរម៉ូនសម្រាប់ការព្យាបាល ប៉ុន្តែពួកគាត់គ្មានលទ្ធភាពចំណាយឡើយ។ នៅអាយុ ១៣ឆ្នាំក្លឹបដើម្បីបណ្តុះបណ្តាល ដោយក្លឹបយល់ព្រមយក ម៉េលស៊ី មកចូលរួមក្នុងក្លឹបដើម្បីបណ្តុះបណ្តាល ដោយក្លឹបយល់ព្រមចំណាយលើព្យាបាល។ ដូចនេះហើយបានជាគ្រួសាររបស់ម៉េសស៊ី សម្រេចចិត្តផ្លាស់លំនៅ ទៅរស់នៅប្រទេសអេស៉្បាញវិញ។
ដោយមានការផ្គត់ផ្គង់ និងបណ្តុះបណ្តាលបានយ៉ាងល្អពីក្លឹប ម៉េសស៊ី បានចាប់ផ្តើមចូលលេងក្នុងឈុតធំរបស់សេឡូវណា ដំបូងនៅពេលដែលគាត់មានអាយុ១៦ឆ្នាំ។ នៅឆ្នាំ២០០៥ លោកបានជួយក្រុមជម្រើសជាតិក្រោមអាយុ ២០ឆ្នាំ របស់អាហ្សង់ទីនឱ្យឈ្នះ ពានរង្វាន់បាលទាត់ពិភពលោក អាយុក្រោម ២០ឆ្នាំដោយយកឈ្នះក្រុម នីហ្សេរីយ៉ា ២ទល់នឹង១។ តាមពិតទៅ លីអូណែល ម៉េសស៊ី មានកំពស់ត្រឹមតែ ១.៦៩ម៉ែត្រ ប៉ុណ្ណោះ ប៉ុន្តែគាត់ជាស្តេចបាលទាត់គឺលោក ឌីអេហ្គោ ម៉ារ៉ាដូណា។
ឆ្នាំ២០០៩ លោកបានជួយឱ្យក្រុមបាសេឡូណា ឈ្នះពានរង្វាន់បីព្រមគ្នា គឺពានរង្វាន់កំពូលរបស់អឺរ៉ុប (UEFA Champion League) ពានរង្វាន់កំពូលរបស់អេស្បាញ (La Liga) និងពានរង្វាន់ Super Cup របស់អេស្ប៉ាញ។ ក្នុងឆ្នាំនោះម៉េសស៊ី ក៏ទទួលពានរង្វាន់ជា "កីឡាករឆ្នើមរបស់ពិភពលោក" ឬ "FIFA World Player or the Year"។ រឿងអស្ចារ្យបានកើតឡើងម្តងទៀតគឺនៅឆ្នាំ២០១១ ដែលម៉េសស៊ីបានជួយឱ្យក្លឹបអ្នកមានបុណ្យ បាសេឡូណា អាចឈ្នះពានរង្វាន់ធំបី ព្រមគ្នាម្តងទៀតដូចកាលឆ្នាំ២០០៩ ដែរ។
នៅដើមខែមីនា ឆ្នាំ២០១២ ម៉េសស៊ី បានបំបែកកំណត់ត្រារបស់ពានរង្វាន់កំពូលអឺរ៉ុប (UEFA Champion League) ដែលបានក្លាយជា កីឡាករដែលសុតបាល់បញ្ចូលទីបាន ៥គ្រាប់ ក្នុងមួយប្រកួត។ ហើយប៉ុន្មានសប្តាហ៍ក្រោយមក លោកបាន បំបែកកំណត់ត្រារបស់កីឡាករ សេសា រ៉ូដ្រីហ្គេស (Cesar Rodriguez) ដោយម៉េសស៊ីអាចរកគ្រាប់បាលបានច្រើនជាង ២៣២គ្រាប់សម្រាប់ក្លឹបបាសេឡូណា ដែលរ៉ូដ្រីហ្គេស ធ្លាប់បានធ្វើកន្លងមក។ នៅចុងឆ្នាំ ២០១២ លីអូណែល ម៉េសស៊ី បានបំបែកកំណត់ត្រា ពីភពលោកមួយផ្សេងទៀត គឺជាកីឡាករដែល សុតបាលបញ្ជូលទីបានច្រើនបំផុត រហូតដល់៩១គ្រាប់ ក្នុងរយៈពេលមួយឆ្នាំ ដោយបំបែកកំណត់ត្រាចាស់របស់លោក ហ្គឺដម៉ូលឡឺ (Gerd Muller) ដែលរកបាន ៨៥គ្រាប់កាលពីឆ្នាំ១៩៧២។ ភាពអស្ចារ្យមិនទាន់ បានបញ្ចប់ត្រឹមហ្នឹងទេ នៅដើមឆ្នាំ២០១៣ លោកបានជាប់ជាកីឡាករឆ្នើមបំផុតរបស់ ពិភពលោកម្តងទៀត មានន័យថា គាត់បានទទួលពានរង្វាន់នេះ រហូតដល់៤ឆ្នាំជាប់ៗគ្នា គឺនៅឆ្នាំ២០១០, ២០១១, ២០១២ និង ២០១៣។ ម៉េសស៊ី សម្រេចចិត្តបន្តកិច្ចសន្យាជាមួយក្លឹប បាសេឡូណារហូតដល់ឆ្នាំ២០១៨ ជាមួយប្រាក់បៀវត្សរ៍ ២១ដុល្លារក្នុងមួយឆ្នាំ ដែលតម្លៃនេះបានធ្វើឱ្យ ម៉េសស៊ី ក្លាយជាកីឡាករដែលមានតម្លៃខ្លួនខ្ពស់បំផុតក្នុងលោក។
មនុស្សស្ទើរតែមួយភពផែនដីទៅហើយ ដែលបានស្គាល់ លីអូណែល ម៉េសស៊ី ដូចនេះហើយគាត់ត្រូវបានក្រុមហ៊ុនខ្នាតយក្យមួយចំនួន បានចំណាចលុយរាប់លានដុល្លារ ដើម្បីទាញរូបគាត់ឱ្យថតផ្សាយពាណិជ្ជកម្ម។ ក្នុងនោះរួមមាន ក្រុមហ៊ុនកីឡាយក្សរបស់អាឡឺម៉ង់ អាឌីដាស (Adidas) ក្រុមហ៊ុនភេសជ្ជប៊ិបស៊ី (Pepsi) ក្រុមហ៊ុនផលិតហ្គេម EA Sports និងក្រុមហ៊ុនអាកាសចរណ៍ TUrkey Airways ជាដើម។
នៅឆ្នាំ២០០៧ ខ្លួនលោកផ្ទាល់បានបង្កើតមូលនិធិសប្បុរសធម៏ មួយឈ្មោះ "Leo Messi Foundation" ដែលជួយដលកុមារ និងយុវជន ដែលខ្វះសមត្ថភាព។ នៅដើមឆ្នាំ២០១០ អង្គការមូលនិធិកុមារ របស់អង្គការសហប្រជាជាតិ (UNICEF) បានតែងតាំង ម៉េសស៊ី ជាអគ្គរដ្ឋទូតសុឆន្ទះ ដើម្បីលើកស្ទួយ សិទ្ធិកុមារទូទាំងពិភពលោក។
លោក លីអូណែល ម៉េសស៊ី បានក្លាយជាឳពុកគេ នៅខែវិច្ចិកា ឆ្នាំ២០១២ នៅពេលដែលមិត្តស្រីរបស់គាត់ គឺនាង អង់តូណែលឡា រ៉ូកូហ្សូ (Antonella Roccuzzo) បានបង្កើតកូនប្រុសឱ្យគាត់ ដោយដាក់ឈ្មោះថា ធីអាហ្គោ (Thiago)។
ដោយ៖ CC
ប្រភព៖ ពេជ្រមួយពាន់គ្រាប់
