មហាសេដ្ឋីមានលក្ខណៈពិសេសដែលមនុស្សភាគច្រើនមិនមាន។
ប៉ុន្តែមនុស្សភាគច្រើនមិនមានលក្ខណៈពិសេសនោះប៉ុន្តែតែគេមិនបានយល់ដឹង។ មហាសេដ្ឋីជាមហាសេដ្ឋីដោយសារអ្នកទាំងនោះដើរតាមគោលការណ៍មួយចំនួនដែលជួយឱ្យគេមើលឃើញឱកាសក្នុងពេលដែលមនុស្សភាគច្រើនមើលឃើញឧបសគ្គ។
ខាងក្រោមនេះជាគោលការណ៍ដែលជួយមនុស្សគ្រប់គ្នាឱ្យមានផ្នត់គំនិតដូចមហាសេដ្ឋី
និងអាចក្លាយជាមហាសេដ្ឋីបាន៖
១. ភាពសាមញ្ញនៃគោលបំណង
មហាសេដ្ឋីជាមហាសេដ្ឋីព្រោះគេបានខិតខំបង្កើតអាណាចក្រ
គេផ្តោតចិត្តគំនិតជាធ្លុងតែមួយលើគោលដៅជាក់លាក់។
ការព្យាយាមនិងថាមពលរបស់គេទាំងអស់ត្រូវប្តេជ្ញាប្រើប្រាស់លើការតាមសម្រេចឱ្យបាននូវគោលដៅដែលបានកំណត់ទុក។
ឧទាហរណ៍ជាក់ស្តែង៖
លោក Henry Ford ចង់ឱ្យមនុស្សគ្រប់គ្នាមានរថយន្តជិះ
លោក Bill Gates ចង់ឱ្យគ្រប់ផ្ទះនៅអាមេរិកមានកុំព្យូទ័រប្រើប្រាស់
លោក Steve Jobs ចង់ដាក់បញ្ចូលថាមពលរបស់កុំព្យូទ័រទៅក្នុងទូរសព្ទ
២. ភាពសាមញ្ញនៃផែនការ
មហាសេដ្ឋីត្រូវគេស្គាល់ថា
ជាមនុស្សដែលមិនមានផែនការលម្អិតពេកទេ។ លោក Herb Kelleher ជាស្ថាបនិកក្រុមហ៊ុនអាកាសចរណ៍ដែលយកថ្លៃសំបុត្រទាបមិនបានប្រើប្រាស់អាថ៌កំបាំងបច្ចេកទេសអ្វីដែលលំបាកទេ
គឺប្រើតែគំនិតបីប៉ុណ្ណោះ៖
·
ធ្វើយ៉ាងណាឱ្យយន្តហោះឡើង
និងចុះបាន
·
ផ្តល់ភាពរីករាយដល់អ្នកដំណើរនឹងសុវត្ថភាព
·
ធ្វើខ្លួនជាក្រុមហ៊ុនដែលលក់សំបុត្រថោក
គោលការណ៍៣៖
កំណត់ព្រំដែនលើអ្វីដែលអ្នកអាចអត់ធ្មត់បាន
មហាសេដ្ឋីកំណត់ព្រំដែនលើអ្វីដែលគេអាចអត់ទ្រាំបាន
គឺគេមិនបង្កើតជោគជ័យចេញពីអ្វីដែលគេចង់បាននោះទេ គេចម្រាញ់វាចេញពីពិភពលោកនេះតាមរយៈដាក់ដែនកំណត់លើអ្វីដែលគេចង់បាន។
មហាសេដ្ឋីជាមនុស្ស១ភាគរយដែលអត់ទ្រាំចំពោះអ្វីដែលមនុស្ស៩៩ភាគរយព្យាយាមជៀសវាង
ហើយព្យាយាមជៀសវាងរឿងរ៉ាវ៩៩ភាគរយដែលមនុស្សយើងទូទៅអត់ធ្មត់។
គេមិនអាចអត់ទ្រាំនឹងមនុស្សដែលគ្មានសមត្ថភាព
គេមិនអត់ធ្មត់ចំពោះអវត្តមាននៃលទ្ធផល
គេទ្រាំមិនបាននឹងសម្ពាធសង្គម
ហើយគេសុខចិត្តផ្តាច់ខ្លួនទៅបង្កើតអ្វីដែលអស្ចារ្យ
៤.
ពឹងផ្អែកទាំងស្រុងលើមនុស្ស
មហាសេដ្ឋីមិនគ្រាន់តែពឹងម្តងម្កាលលើអ្នកផ្សេងទៀត
តែគេពឹងទាំងស្រុងលើមនុស្សដទៃពីមួយថ្ងៃទៅមួយថ្ងៃ។
តាំងពីជំនួយការផ្ទាល់ខ្លួនរហូតដល់សមាជិកក្រុមប្រឹក្សា
មហាសេដ្ឋីបង្កើតទំនាក់ទំនងវិជ្ជាជីវៈយ៉ាងអស្ចារ្យដើម្បីគេអាចពឹងអ្នកទាំងនោះបានគ្រប់ពេលដែលគេត្រូវការបំផុត។
នេះជាអាថ៌កំបាំង៖ គ្មានបុគ្គលណាម្នាក់អាចធ្វើការធំតែម្នាក់ឯងបានទេ។
មនុស្សសេដ្ឋីជាមនុស្សដែលស្នើសុំឱ្យគេធ្វើការឱ្យរួចផ្តល់ការការពារនិងគាំទ្រគេ។
៥.
ប្តេជ្ញាទាំងស្រុងលើមនុស្ស
ដោយសារតែមហាសេដ្ឋីជាមនុស្សដែលពឹងពាក់អ្នកដទៃ
គេក៏ជាមនុស្សដែលប្តេជ្ញាយ៉ាងខ្លាំងលើមនុស្សដែរ។ ពាក្យថាមនុស្សដទៃក្នុងទីនេះសំដៅទាំងបុគ្គលិក
អតិថិជន និងវិនិយោគទន់។
ពេលនិយាយដល់មនុស្សដែលជួយបង្កើតទ្រព្យមហាសាលដល់មហាសេដ្ឋី
ការប្តេជ្ញារបស់មហាសេដ្ឋីចំពោះអ្នកទាំងនោះមានលក្ខណៈមិនរង្គោះរង្គើទេ។
មនុស្សដែលសំខាន់ក្នុងជីវិតរបស់មហាសេដ្ឋី តាំងពីដៃគូស្ថាបនា រហូតដល់ជំនួយការតែងតែទទួលបានការតបស្នងវិញយ៉ាងល្អ
និងជាមនុស្សដែលចូលរួមពាក់ព័ន្ធក្នុងរយៈពេលយ៉ាងយូរ។
៦.
ពឹងផ្អែកលើប្រព័ន្ធទំនាក់ទំនង
មនុស្សគ្រប់គ្នាដឹងថា
ដើម្បីជោគជ័យក្នុងមុខជំនួញ គេត្រូវការចាំបាច់នូវទំនាក់ទំនងយ៉ាងច្បាស់។
មហាសេដ្ឋីជោគជ័យដោយសារគេពឹងអាស្រ័យទាំងស្រុងលើប្រព័ន្ធទំនាក់ទំនង
មិនមែនជំនាញទាក់ទងផ្ទាល់ខ្លួនគេទេ។
មហាសេដ្ឋីទាំងអស់បង្កើតមធ្យោបាយតាមដានការរីកចម្រើន វាស់ស្ទង់លទ្ធផលការងារ
និងពង្រីកការបំពេញការងារឱ្យដល់កម្រិតខ្ពស់បំផុត។ តាមរយៈការអនុវត្តបែបនេះ
គេអាចបំពេញចន្លោះត្រង់កន្លែងដែលគេខ្វះសមត្ថភាពផ្ទាល់ខ្លួនបាន។
៧.
តម្រូវឱ្យរុញច្រានខាងទំនាក់ទំនងគ្នា
មហាសេដ្ឋីមិនអង្គុយរងចាំនរណាម្នាក់មកទាក់ទងគេទេ។
គេក៏មិនចេះតែទៅដើររកពត៌មានដែលគេត្រូវការដោយស្រាវជ្រាវរកចម្លើយរបស់គេរាប់ម៉ោងដែរ។
មហាសេដ្ឋីរំពឹងចង់បានពត៌មានដែលជាក់លាក់ សង្ខេប
និងជាពត៌មានដែលនាំមកជូនគេដោយមិនចាំបាច់សួរ។
នេះជាអ្វីដែលមហាសេដ្ឋីត្រូវការពីក្រុមការងារដែលគេបង្កើត។
មនុស្សដែលមានលុយរាប់ពាន់លានមិនចូលចិត្តធ្វើខ្លួនឱ្យវក់វីក្នុងរឿងដែលមិនសំខាន់
ឬពត៌មានដែលមិនពាក់ព័ន្ធដល់គេទេ គឺគេដឹងយ៉ាងច្បាស់នូវអ្វីដែលគេត្រូវការ។
គេតែងតែរុញច្រានឱ្យផ្តល់ពត៌មានសំខាន់ៗរាល់ថ្ងៃដើម្បីដឹងថា
កន្លែងណាដែលត្រូវវិនិយោគពេលវេលានិងថាមពល។
៨.
ដឹងរាល់អ្វីៗដែលគេប្រើប្រាស់
មហាសេដ្ឋីដឹងយ៉ាងច្បាស់នូវធនធានដែលគេប្រើប្រាស់
ហើយគ្មានធនធានអ្វីដែលត្រូវគេប្រើប្រាស់ដោយយកចិត្តទុកដាក់ជាងពត៌មានទេ។ ជាទូទៅ
ពត៌មានដែលគេត្រូវការគឺជាពត៌មានដែលពាក់ព័ន្ធទៅនឹងបញ្ហាជាក់លាក់
ឬការសម្រេចចិត្តរបស់គេ។ បើមិនមែនជាពត៌មានដែលគេត្រូវការទេ
គេច្រើនតែព្រងើយកន្តើយ។
បើពត៌មានមិនជួយរុញច្រានអ្នកឱ្យទៅដល់កន្លែងដែលអ្នកចង់ទៅទេ វានឹងរាំងស្ទះផ្លូវអ្នកទៅវិញ។
៩.
សម្រេចចិត្តផ្តោតលើទិន្នន័យនិងបរិបទ
មហាសេដ្ឋីមិនលេងល្បែងទេ
គេសម្រេចចិត្តដោយផ្អែកលើការច្របាច់បញ្ចូលគ្នានៃពត៌មាននិងបរិបទ។ ហេតុអ្វី? ព្រោះគេស្គាល់តម្លៃនៃរបស់ពីរយ៉ាងគឺតួលេខនិងមនុស្ស។
ប្រសិនបើគេពឹងលើទិន្នន័យតែម្យ៉ាង គេអាចនឹងបង្កើតកំហុសព្រោះតែការកត់ត្រាខុស។
ប្រសិនបើគេពឹងផ្អែកតែលើបរិបទ
ការវិភាគហេតុផលរបស់គេនឹងយោលទៅតាមប្រជាប្រិយភាពឬអារម្មណ៍ដែលអាចនឹងល្អៀង។
មានតែតាមរយៈការវិភាគទិន្នន័យនិងសន្ទនាឱ្យស៊ីជម្រៅ។មហាសេដ្ឋីអាចក្តាប់ជុំនូវស្ថានភាពដើម្បីសម្រេចចិត្ត។
១០. មានតម្លាភាពប្រកបដោយឆន្ទៈ
មនុស្សជាច្រើនគិតដល់តម្លាភាពថាជាការចាប់ផ្តើមឆន្ទៈដើម្បីឆ្លើយសំណួរ។
ប៉ុន្តែអ្វីដែលញែកមហាសេដ្ឋីចេញពីមនុស្សភាគច្រើនគឺសមត្ថភាពរបស់គេក្នុងការបង្កើតតម្លាភាពប្រកបដោយឆន្ទៈ។
មហាសេដ្ឋីទាក់ទងមនុស្សដោយមានបំណងដើម្បីបញ្ជៀសការយល់ច្រឡំគ្នា
និងលុបបំបាត់រាល់បញ្ហាទាំងអស់ដែលអូសទាញការងារគេមិនឱ្យទៅមុខ។
គេដឹងថាគោលដៅមិនច្បាស់លាស់អាចរាំងស្ទះដល់ដំណើររបស់គេ
ដូច្នេះគេមិនរង់ចាំឱ្យមនុស្សមកសួរគេទេ។
គេស្គាល់សារៈសំខាន់នៃការបង្ហាញវត្តមាននិងចែករំលែកពត៌មានទៅកាន់មនុស្សដែលនៅជុំវិញគេ៕
ប្រភព៖ CC
ប្រភព៖ Success
Magazine
