ការទទួលទានប្រភេទអាហារដ៏ត្រឹមត្រូវអាចការពារពីហានិភ័យនៃការកើតមាននូវការកកសារធាតុខ្លាញ់លើបំពង់អាទែដែលធ្វើឲ្យឈាមហូរមិនបានស្រួលដែលជាមូលហេតុបណ្តាលឲ្យមានជំងឺគាំងបេះដូងនិងជំងឺដាច់សរសៃឈាមក្នុងខួរក្បាល។ ក្រូចនិងសណ្តែកខ្មៅគឺជាប្រភេទអាហារ ដែលអ្នកអាចទទួលទានជាប្រចាំជាមួយអាហារពេលព្រឹកអាហារថ្ងៃត្រង់ និងអាហារពេលល្ងាចដើម្បីរក្សាតួនាទីបេះដូងឲ្យដើរបានល្អ។
សូមមើលពីអត្ថប្រយោជន៍របស់អាហារទាំងពីរនេះទាំងអស់គ្នា៖
១.ក្រូច
ក្រូចមានផ្ទុកនូវសារធាតុប៉ូតាស្យូមនិងហ្វាយប័រជាដើមដែលសារធាតុទាំងនេះជាអាហារបំប៉នដ៏ល្អសម្រាប់បេះដូង។បន្ថែមពីនេះទៀត ក្រូចក៏ជាប្រភពនៃវិតាមីន C ដែលជាវិតាមីនការពារយ៉ាងមានប្រសិទ្ធិភាពតាមរយៈការប្រឆាំងនឹងជំងឺដាច់សរសៃឈាមក្នុងខួរក្បាលដោយការបង្កើននូវចលនាឈាមរត់បានយ៉ាងល្អទៅកាន់បេះដូង។ ម្យ៉ាងវិញទៀតក្រូចក៏ជួយគ្រប់គ្រងសម្ពាធឈាម ជួយជំរុញតួនាទីសរសៃឈាមអោយដើរបានល្អនិងជួយកាត់បន្ថយការរលាកសរសៃឈាមក្រហមថែមទៀត។ អ្នកនឹងទទួលបានអត្ថប្រយោជន៍ជាច្រើនពីការទទួលទានទាំងផ្លែក្រូចនិងទឹកក្រូច។
២. សណ្តែកខ្មៅ
២. សណ្តែកខ្មៅ
សណ្តែកខ្មៅមានផ្ទុក វិតាមីនB ម៉ាញេស្យូម កាលស្យូម អាស៊ីតសំខាន់ក្នុងរាងកាយ(omega-3 fatty acids) និងហ្វាយប័ររលាយ។ រាល់អាហារបំប៉នទាំងនេះ ជួយគ្រប់គ្រងទាំងជាតិកូលេស្តេរ៉ូល (cholesterol) និងកម្រិតជាតិស្ករក្នុងឈាម។ លើសពីនេះទៀត សណ្តែកខ្មៅគឺជាប្រភពផងដែរនៃប្រូតេអីនបំប៉នដោយគ្មានជាតិកូលេស្តេរ៉ូលក្នុងសាច់។ អ្នកជំនាញផ្នែកសុខភាពជាច្រើនបានណែនាំអោយទទួលទានសណ្តែកខ្មៅពីបួនដងឡើងទៅក្នុងមួយសប្តាហ៍ដើម្បីកាត់បន្ថយការកើតជំងឺបេះដូង៕
CR : Iknow
