ល្ពៅ ជាបន្លែមួយប្រភេទមានរសជាតិឆ្ងាញ់ និងផ្ទុកទៅដោយវីតាមីន សារធាតុខនិជជាច្រើនដូចជា ស័ង្កសី ម៉ង់កាណែស និងម៉ាញ៉េស្យូម។ ជាទូទៅ យើងតែងតែយកគ្រាប់ល្ពៅទៅចោល ដោយសារមិនបានដឹងពីអត្ថប្រយោជន៍របស់វា។
ខាងក្រោមនេះនឹងបង្ហាញពីអត្ថប្រយោជន៍នៃគ្រាប់ល្ពៅចំពោះសម្រស់របស់អ្នក៖
១. ជម្រុញដល់ការលូតលាស់សរសៃសក់
ប្រសិនបើអ្នកមានបញ្ហាសក់ស្តើង គ្រាប់ល្ពៅជាឱសថអាចជួយអ្នកបាន។ ឧស្សាហ៍ទទួលទានគ្រាប់ល្ពៅឱ្យបានញឹកញាប់ សក់របស់អ្នកនឹងចាប់ផ្តើមដុះក្រាស់ស្អាតឡើង និងកាន់តែមានភាពទាក់ទាញ។
២. ប្រឆាំងនឹងភាពចាស់
គ្រាប់ល្ពៅមានផ្ទុកនូវសារធាតុដែលនឹងធ្វើឱ្យស្បែកអ្នកក្មេងជាងវ័យ។ វានឹងផ្តល់ភាពយឺតដល់ស្បែក
៣. ផ្តល់ជាតិសំណើមដល់ស្បែក
ប្រសិនបើអ្នកកំពុងមានបញ្ហាស្បែកស្ងួតខ្លាំង បើទោះបីជាប្រើក្រែមផ្តល់សំណើមរួច តែវាឆាប់នឹងស្ងួតវិញ។ ងាកមកទទួលទានគ្រាប់ល្ពៅឱ្យបានទៀងទាត់។ វានឹងជួយធ្វើឱ្យស្បែកអ្នកម៉ត់រលោង និងទាក់ទាញ។
៥. ការពារពីបញ្ហាកើតអង្គែ
អ្នកត្រូវយកគ្រាប់ល្ពៅលីង ១ក្តាប់ កិនឱ្យម៉ត់។ បន្ទាប់មកដាក់ប្រេងដូង ១ស្លាបព្រាចូល។ ច្របល់ចូលគ្នា រួចលាបលើសក់របស់អ្នក។ រង់ចាំ
រយៈពេល ២ម៉ោង ហើយលាងសម្អាតនឹងសាប៊ូ។
៦. កម្ចាត់មុន
អ្នកត្រូវយកគ្រាប់ល្ពៅ ១ដៃ កិនវាឱ្យម៉ត់ល្អ។ រួចលាយវាជាមួយទឹកដោះគោឆៅ បន្ទាប់មកទទួលទានវា។ បញ្ហាកើតមុននឹងបាត់អស់ត្រឹមរយៈពេល ១សប្តាហ៍៕
ដោយ៖NSN
