(កីឡា)៖ ក្រុមបាល់ទាត់របស់អង់គ្លេស Manchester United នឹងធ្វើការពិភាក្សាទាក់ទងនឹងការបន្តកុងត្រារយៈពេល១២ខែ ជាមួយគ្រូបង្វឹករបស់ក្រុមនាពេលបច្ចុប្បន្នលោក Jose Mourinho នៅពេលរដូវកាលនេះចូលដល់ទីបញ្ចប់។
គ្រូបង្វឹកជម្រើសជាតិព័រទុយហ្គាល់រូបនេះ បានចុះកុងត្រារយៈពេលបីឆ្នាំជាមួយក្លឹបបិសាចក្រហម ហើយទន្ទឹមគ្នានេះយោងតាមការចុះផ្សាយរបស់សារព័ត៌មាន The Sun កាលពីពេលថ្មីៗនេះបានឲ្យដឹងថា តាមរយៈការដឹកនាំក្រុមលេងបានល្អ បានធ្វើឲ្យក្លឹបមានបំណងចង់ឲ្យរូបលោកនៅ Old trafford មួយឆ្នាំបន្តទៀត។
គួរបញ្ជាក់ផងដែរថា នៅក្នុងរដូវកាលដំបូងជាមួយ Manchester United លោក Jose Mourinho បានដឹកនាំក្រុមឲ្យទទួលជ័យជំនះចំនួន១២ប្រកួត ស្មើ៩ប្រកួត និងចាញ់ត្រឹម៣ប្រកួត នៅក្នុងក្របខ័ណ្ឌបាល់ទាត់ Premier League៕
ដោយ៖ CC
ប្រភព៖ Goal