ក្លឹបក្នុងលំដាប់ទីពីររបស់អេស្ប៉ាញ CD Tenerife បានព្រមព្រៀងជាផ្លូវការហើយក្នុងការចុះកុងត្រាយកខ្សែបម្រើឆ្នើមជម្រើសជាតិជប៉ុនមួយរូបពីក្លឹប Kashima Antlers បន្ទាប់ពីរូបគេបង្ហាញទម្រង់យ៉ាងល្អកាលពីប្រកួតវគ្គផ្ដាច់ព្រ័ត្រ Club World Cup ទល់នឹង Real Madrid កន្លងទៅ។
Gaku Shibasaki ត្រូវបានមានការចាប់អារម្មណ៍ជាខ្លាំងពីសំណាក់អ្នកគាំទ្រជាច្រើនក្នុងតំបន់អឺរ៉ុបក្រោយពីរូបគេបានបង្ហាញទម្រង់លេងគួរឲ្យភ្ញាក់ផ្អើល និងស៊ុតបញ្ចូលទីបាន២គ្រាប់ទៀតផងនៅវគ្គផ្ដាច់ព្រ័ត្រ CWC ទល់នឹង Real Madrid ហើយមកដក់ពេលនេះក្លឹបក្នុងលីគលំដាប់ទីពីរអេស្ប៉ាញ CD Tenerife ក៏បានសម្រេចចិត្តចុះកុងត្រាក្នុងលក្ខខណ្ឌខ្ចីជើងដើម្បីយកកីឡាករវ័យ២៤ឆ្នាំរូបនេះមកចូលរួមក៏ដូចជាផ្ដល់ឱកាសឲ្យរូបគេមានបទពិសោធន៍ជាមួយក្លឹបក្នុងតំបន់អឺរ៉ុបផងដែរ។
សូមបញ្ជាក់ផងដែរថា Gaku Shibasaki គឺជាតួអង្គដ៏សំខាន់មួយរូបរបស់ក្លឹប Kashima Antlers ក្នុងនោះរូបគេបង្ហាញខ្លួនបាន១៧៥ប្រកួតរកបាន១៩គ្រាប់សម្រាប់ក្លឹប និងជម្រើសជាតិជប៉ុន១១ប្រកួតស៊ុតបាន៣គ្រាប់ថែមទៀតផង៕
ដោយ៖ NSN
