ក្លឹប បឹងកេតអង្គរ ហែរពានតាមផ្លូវសំខាន់ៗក្នុងរាជធានីភ្នំពេញក្រោយឈ្នះជើងឯកលីគកំពូលកម្ពុជា

នៅក្រោយពិធីចែកពានរង្វាន់លីគកំពូលកម្ពុជាទៅដល់ក្រុមជើងឯក បឹងកេតអង្គរ រួចរាល់នៅ

វេលាម៉ោងប្រហែល ៩ យប់ថ្ងៃសៅរ៍ ទី ១០ ខែកញ្ញា កន្លងទៅនេះ អ្នកគាំទ្រ ក៏ដូចជាកីឡាករនៃក្លិប

បាល់ទាត់បឹងកេតអង្គរបានធ្វើពិធីដង្ហែរពានលីគកំពូលរបស់ខ្លួនដែលជាការដង្ហែរលក្ខណៈទ្រង់ទ្រាយ

ធំ និងជាលើកទី ១ ក្នុងប្រវត្តិសាស្រ្តបាល់ទាត់លីគកំពូលកម្ពុជាដែលមានការដង្ហែរពានបែបនេះ ដោយស្ថិតក្រោមគំនិតផ្ដួចផ្ដើម និងដឹកនាំពីសំណាក់អ្នកគាំទ្រដ៏ស្មោះស្ម័គ្រចំនួន ៣ រូប រួមទាំង

អ្នកចាត់ការទូទៅគឺលោក បែ មករា ផងដែរ។ពិធីដង្ហែរនេះគឺចាប់ផ្ដើមចេញដំណើរពី

ពហុកីឡដ្ឋានជាតិតាមវិថីហ្សាល់ឌឺហ្គោល រួចបត់ស្ដាំតាមបណ្ដោយផ្លូវឧញ្ញ៉ាទេពផន

ទើបបន្តបត់ស្ដាំតាមមហាវិថីព្រះមុន្នីវង្សក្រោយមកទើបបត់ឆ្វេងតាមមហាវិថីព្រះសីហនុ 

និងបញ្ចប់នៅមុខវិមានឯករាជ្យបញ្ជាក់ថាបឹងកេតអង្គរបានក្លាយជាម្ចាស់ជើងឯកពានរង្វាន់

លីគកំពូលកម្ពុជា ជាលើកទី២ក្រោយប្រកួត១៨លើក ទទួលបានជ័យជម្នះ ១៥ លើក ស្មើ ២ និងចាញ់ ១ លើក មាន៤៧ពិន្ទុ នាំមុខក្រុមលេខ ២ ក្រសួងការពារជាតិ ដែលមាន ៤៦ ពិន្ទុតែ ១ ពិន្ទុប៉ុណ្ណោះ។

ដោយ៖ Veasna