នៅក្នុងក្រុងប៉េកាំងៈ ការចរចាស្តីពីសន្ធិសញ្ញាវិនិយោគទ្វេភាគី (BIT) រវាងប្រទេសចិន និងសហរដ្ឋអាមេរិកបានបង្ហាញពីភាពវិវឌ្ឍគួរឲ្យកត់សម្គាល់។ នេះបើយោងតាមក្រសួងពាណិជ្ជកម្មរបស់ប្រទេសចិនកាលពីថ្ងៃអាទិត្យ។
លោក Sun Jiwen អ្នកនាំពាក្យក្រសួងពាណិជ្ជកម្មចិនមានប្រសាសន៍ថាភាគីទាំងពីរបានរៀបចំកិច្ចពិភាក្សាស្តីពីសន្ធិសញ្ញាវិនិយោគទ្វេភាគី (BIT) លើកទី ២៨ របស់ខ្លួននៅទីក្រុងប៉េកាំងចាប់ពីថ្ងៃទី ២១ ដល់ទី ២៨ ខែសីហា និងបានបន្តការប្រឹក្សាយោបល់ចាប់ពីថ្ងៃទី ២៩ ខែសីហាដល់ថ្ងៃទី ៣ ខែកញ្ញាដែលភាគីទាំងពីរបានដោះដូរសំណើ «បញ្ជីអវិជ្ជមាន» ថ្មីមួយដោយមានគោលដៅរួមមួយក្នុងការបង្កើតការវិនិយោគដែលគ្មានការរើសអើងព្រមទាំងមានតម្លាភាព និងបើកចំហតាមរយៈការចរចាគ្នា។
ភាគីទាំងពីរនឹងបន្តកិច្ចពិភាក្សាដើម្បីជំរុញការចរចា និងខិតខំដើម្បីសម្រេចឲ្យបាននូវកិច្ចព្រមព្រៀងដែលផ្តល់អត្ថប្រយោជន៍ឲ្យគ្នាទៅវិញទៅមក។
ប្រទេសចិន និងសហរដ្ឋអាមេរិកបានចាប់ផ្តើមចរចាគ្នាស្តីពីសន្ធិសញ្ញាវិនិយោគទ្វេភាគី (BIT) នៅឆ្នាំ ២០០៨ ដើម្បីបង្កើនការវិនិយោគទៅវិញទៅមក។
កាលពីខែមិថុនាឆ្នាំ ២០១៥ ប្រទេសទាំងពីរបានចាប់ផ្តើមចរចាគ្នាអំពីបញ្ជីអវិជ្ជមានមួយ។ បញ្ជីអវិជ្ជមាននេះបានកំណត់វិស័យមួយចំនួនដែលការវិនិយោគរបស់ភាគីនីមួយៗនៅតែរាំងស្ទះក្នុងការវិនិយោគ៕
ដោយ៖ CH
