មនុស្សវាយតម្លៃអ្នកត្រឹមតែប៉ុន្មានវិនាទីប៉ុណ្ណោះក្រោយពីជួបគ្នា
ប៉ុន្តែតើពួកគេវាយតម្លៃលើអ្វីអោយប្រាកដទៅ?
អ្នកស្រីសាស្ត្រាចារ្យ Amy Cuddy នៃសកលវិទ្យាល័យ Harvard
បានសិក្សាពីការជួបគ្នាដំបូងជាមួយនឹងសាស្ត្រាចារ្យ
Susan Fiske និង Peter Glick អស់រយៈពេល១៥ឆ្នាំ
ហើយបានរកឃើញពីដំណើរនៃការប្រាស្រ័យទាក់ទងគ្នានេះ។
អ្នកស្រី Amy
Cuddy សាស្ត្រាចារ្យចិត្តវិជ្ជានៃសកលវិទ្យាល័យ
Harvard
នៅក្នុងសៀវភៅថ្មីរបស់អ្នកស្រីសាស្ត្រាចារ្យ
Cuddy មានចំណងជើងថា Presence និយាយថា
មនុស្សឆ្លើយយ៉ាងលឿនទៅនឹងសំនួរពីរពេលដែលពួកគេជួបអ្នក៖
១៖ តើខ្ញុំអាចទុកចិត្តមនុស្សនេះបានទេ?
២៖ តើខ្ញុំអាចគោរពមនុស្សនេះបានទេ?
អ្នកចិត្តវិជ្ជាចាត់ទុកកត្តាពីរនេះជា
ភាពកក់ក្ដៅ និងសមត្ថភាព ហើយជាការពិតអ្នកចង់អោយគេដឹងថា
អ្នកមានទាំងពីរនេះ។
រឿងដែលគួរអោយចាប់អារម្មណ៍គឺ
អ្នកស្រីសាស្ត្រាចារ្យ Cuddy និយាយថា មនុស្សភាគច្រើន
ជាពិសេសនៅក្នុងបរិបទអាជីព ពួកគេជឿថា សមត្ថភាពគឺជាកត្តាសំខាន់។ សរុបទៅ
ពួកគេចង់បញ្ជាក់ថា ពួកគេឆ្លាត
និងមានទេពកោសល្យគ្រប់គ្រាន់ដើម្បីដោះស្រាយធុរកិច្ចរបស់ជនដែលគេជួបបាន។
ប៉ុន្តែតាមពិត ភាពកក់ក្ដៅ
និងភាពអាចជឿទុកចិត្តបាន គឺជាកត្តាសំខាន់បំផុតសម្រាប់ការដែលមនុស្សវាយតម្លៃមកលើអ្នក។
អ្នកស្រី Cuddy និយាយក្នុងបរិបទស្លាប់រស់ថា
“វាជារឿងសំខាន់ដែលយើងអាចដឹងថា
មនុស្សម្នាក់សមនឹងទទួលការទុកចិត្តពីយើង ឬអត់”។
ខណៈដែលសមត្ថភាពត្រូវបានគេផ្ដល់តម្លៃអោយខ្ពស់
អ្នកស្រី Cuddy និយាយថា វាត្រូវបានគេវាយតម្លៃបន្ទាប់ពីទំនុកចិត្តត្រូវបានបង្កើតឡើងហើយ។
ដូច្នេះការដែលអ្នកបង្ហាញពីភាពខ្លាំងរបស់អ្នកពេក
អាចមិនមែនជារឿងល្អទេ។
“ប្រសិនបើមនុស្សដែលអ្នកចង់បង្ហាញសមត្ថភាពអោយឃើញមិនទុកចិត្តអ្នក
អ្នកនឹងមិនបានធ្វើការធំដុំ ឬវែងឆ្ងាយនឹងគេទេ
អ្នកអាចនឹងបង្កអោយមានការសង្ស័យសម្រាប់គេទៅវិញ”។ អ្នកស្រី Cuddy និយាយ។
“មនុស្សដែលមានភាពកក់ក្ដៅ
និងភាពអាចទុកចិត្តបាន ដែលខ្លាំងផងនោះបង្កើតជាសេចក្ដីស្រលាញ់
ប៉ុន្តែមានតែនៅពេលទំនុកចិត្តត្រូវបានបង្កើតឡើងហើយទេ
ទើបភាពខ្លាំងរបស់អ្នកប្រែក្លាយជាកាដូ ជាជាងការគំរាមកំហែង”៕
ប្រភព៖ Businessinsider
