នៅក្នុងអត្ថបទមង្គលការថ្ងៃនេះ យើងនឹងណែនាំអ្នកទាំងអស់គ្នាឱ្យបានដឹងពីវិធីកម្ចាត់បញ្ហាកែងដៃខ្មៅ ធ្វើឱ្យស្បែកកែងដៃស្អាត ទន់ល្មើយ លែងក្រិនកែងដៃទៀត។
ធាតុផ្សំមាន
- ទឹកដំឡូងបារាំង
- ទឹកត្រសក់
- ទឹកក្រូចឆ្មា
- ទឹកដោះគោ។
ការណែនាំ
- ដំបូងអ្នកត្រូវកោសដំឡូងបារាំង និងត្រសក់ជាសសៃៗ រួចពូតវាយកទឹកជាមុនសិន (ដាក់ចានផ្សេងគ្នា)។
- ប្រើសំឡីមកផ្សើមជាមួយនឹងទឹកដំឡូងបារាំង បន្ទាប់មកទៀត យកវាមកជូតកែងដៃរបស់អ្នក និងរង់ចាំរយៈពេល ៥ នាទី។
- បន្ទាប់មកទៀត ត្រូវប្រើម្សៅទឹកដោះគោរ៉ោយពីលើទឹកក្រូចឆ្មា រួចយកមកជូតសម្អាតលើកែងដៃរបស់អ្នកជាលើកទី ២ ហើយរង់ចាំរយៈពេល ១៥ នាទី។
- ជាចុងក្រោយ អ្នកត្រូវប្រើសំឡីជ្រលក់ចូលក្នុងទឹកត្រសក់ យកមកជូតសម្អាតលើកែងដៃ រួចធ្វើការម៉ាស្សាវាថ្នមៗរយៈពេល ៥ នាទី។
- លាងសម្អាតកែងដៃរបស់អ្នកនឹងទឹកធម្មតាឱ្យបានស្អាត៕
