(ក្រុងប៊ែរឡាំង)៖ BMW បានសហការជាមួយ Lego ផលិតគំរូម៉ូតូហោះក្នុងក្ដីស្រមៃអនាគតកាល ឈ្មោះ «Hover Ride»។
យោងតាម Lego Technic BMW R 1200 GS Adventure ក្រុមអ្នកឌីហ្សាញបានប្រើគ្រឿង ៦០៣ ដូចគ្នាដើម្បីបង្កើតម៉ូដែលម៉ូតូហោះ Lego។
យានដែលនឹងផ្ដល់នូវបទពិសោធបើកបរមិនអាចបំភ្លេចបានសម្រាប់ទាំងក្មេង និងចាស់នៅទូទាំងពិភពលោកនេះ យកលំនាំតាមគំរូម៉ូដែល Lego ក្រុមវិស្វករនៅ BMW Junior ជាអង្គភាពបណ្ដុះបណ្ដាលនៅទីក្រុងមុយនិក បានសម្រេចចិត្ដបំពេញកិច្ចការដ៏លំបាកនេះក្នុងការរចនាជាថ្មីនូវម៉ូដែលម៉ូតូអនាគតកាល។
គ្រឿងបន្លាស់ជាច្រើន ដូចជា រង្វង់កង់មុខប្រែក្លាយជាស្លាបកង្ហារ ត្រូវបានផលិតឡើងយ៉ាងពិសេសសម្រាប់គម្រោងម៉ូតូហោះនេះ ដែលជាស្នាដៃជំនាញថ្មោងថ្មី។
លោក Markus Kollmannsperger ជាអ្នកបណ្ដុះបណ្ដាលដែលធ្វើការងារលើម៉ូដែលថ្មីនេះ បាននិយាយថា៖ «ពិតជាមានតម្លៃណាស់ដែលបានឃើញក្រុមការងារមានជំនាញផ្សេងៗមកធ្វើជាក្រុមហ្វឹកហាត់របស់យើង។ មនុស្សគ្រប់រូបសុទ្ធតែពាក់ព័ន្ធនឹងគម្រោងដ៏អស្ចារ្យនេះ»។
Hover Ride Design Concept ត្រូវបានដាក់តាំងបង្ហាញជាសាធារណៈជាលើកដំបូងនៅ Lego World កូប៉ិនហាក កាលពីសប្ដាហ៍មុន ហើយក៏នឹងបង្ហាញខ្លួននៅតាមមូលដ្ឋានក្រុមហ៊ុន BMW ជាច្រើនទៀត។
មិនច្បាស់ថា តើក្រុមហ៊ុនគ្រោងនឹងអាចប្រែក្ដីសុបិនទៅជាម៉ូតូហោះដ៏ពិតប្រាកដយ៉ាងណានោះទេ៕HR
ដោយ៖ CC
ប្រភព៖ ភ្មំពេញប៉ុស្តឹ
