សហព័ន្ធបាល់ទាត់អាស៊ីអាគ្នេយ៍ បានប្រកាសកាលពីម្សិលមិញថា នឹងបន្ថែមក្រុមជម្រើសជាតិ២ទៀត ក្នុងពានរង្វាន់ AFF Suzuki Cup 2018 បូកជាមួយក្រុមទាំង៨ ដែលមានស្រាប់ហើយក៏មានការការផ្លាស់ប្ដូរច្បាប់ប្រកួតឲ្យកាន់តែជក់ចិត្តជាងមុនផងដែរ។
ទម្រង់លេងថ្មីលើកនេះគឺក្រុមទាំង១០នឹងត្រូវបែងចែកជាពីរពូល ហើយក្នុងមួយពូលមាន៥ក្រុមដោយក្រុមនីមួយៗត្រូវលេងក្នុងការប្រកួតក្រៅដី និងក្នុងដីចាប់ពីវគ្គចែកពូលតែម្ដង។
ហើយសម្រាប់វគ្គ៤ក្រុមចុងក្រោយ និងវគ្គផ្ដាច់ព្រ័ត្រ នឹងលេងបែបក្រៅដីក្នុងដីដដែល។ រដ្ឋលេខាធិការសហព័ន្ធបាល់ទាត់អាស៊ីអាគ្នេយ៍លោក Datuk Hamidin Mohd Amin បានស្វាគមន៍ច្បាប់ថ្មីនេះហើយបាននិយាយថាជាស្ថានភាព ឈ្នះ-ឈ្នះ សម្រាប់ក្រុមដែលចូលរួម។
“ ពួកយើងមិនទាន់មានព័ត៌មានលម្អិតពីច្បាប់ថ្មីនេះទេ ប៉ុន្តែការប្រកួតប្រជែងនឹងមានរយៈពេលយូរជាងមុនដោយធ្វើឡើងតាមបែប (Home /Away) ។យើងជួយរៀបចំក្រុមដែលចូលរួមឲ្យដំណើរការយ៉ាងរលូន។” សម្ដី Datuk Hamidin Mohd Amin ៕
ដោយ៖NSN
