ការលាបថ្នាំក្រចកជារឿងដ៏ពេញនិយមមួយសម្រាប់មនុស្សស្រីទូទៅ ជាពិសេសនៅពេលត្រូវចូលរួមកម្មវិធីធំៗ ឬពេលដើរកំសាន្តនានាជាដើម។ ការពីពេលថ្មីៗនេះ ក្រុមអ្នកជំនាញមកពីសកលវិទ្យាល័យ Duke និងក្រុមអ្នកជំនាញផ្នែកបរិស្ថាន បានរួមគ្នាធ្វើការសិក្សាពីផលប៉ះពាល់នៃការប្រើប្រាស់ថ្នាំក្រចកនេះទៅលើមនុស្សស្រីជាច្រើនតាមរយៈការពិនិត្យទឹកនោមរបស់ពួកគេ។ លទ្ធផលនៃការសិក្សាបានបង្ហាញថា ក្នុងចំណោមថ្នាំលាបក្រចក ១០ ប្រភេទ មាន ៨ ប្រភេទដែលមានផ្ទុកសារធាតុគីមីជាច្រើនប្រភេទ ហើយសារធាតុគីមីទាំងនោះអាចជ្រាបចូលក្នុងរាងកាយតាមរយៈគល់ក្រចក និងតាមមាត់ (ក្នុងករណីដែលលោកអ្នកខាំក្រចក)។ សូមបញ្ជាក់ជូនផងដែរថា ក្រោយពីលាបថ្នាំក្រចកពី ១០ ទៅ ១៤ ម៉ោង សារធាតុសេរ៉ូមនៃ DPHP ក្នុងរាងកាយអាចកើនឡើងជិត ៧ ដង ហើយក្នុងករណីធ្ងន់ធ្ងរសារធាតុគីមីក្នុងថ្នាំក្រចកអាចបង្កឲ្យមានបញ្ហដូចជា៖
- មិនអាចមានកូនបាន (សម្រាប់បុរស)
- បញ្ហាអ័រម៉ូន
- ជំងឺមហារីក (ជាពិសេសមហារីកសុដន់)
- មហារីកក្រពេញអូវែ
- បញ្ហាក្រពេញប្រូស្តាត(សម្រាប់បុរស)
- បញ្ហាក្រពេញទីរ៉ូអ៊ីត
- បញ្ហាសរសៃប្រសាទ
- ជំងឺទឹកនោមផ្អែម
- ធាត់ជ្រុល
- ក្អក
- ហឺត
- រមាស់បំពង់ក
- មានបញ្ហាតម្រង់នោម និងថ្លើម (សម្រាប់កុមារ)
