ប្រទេសចិន៖ ពិធីរៀបការមួយ បានធ្វើឲ្យភ្ញាក់ផ្អើល ដល់អ្នកជិតខាងជាខ្លាំង និងធ្វើឲ្យពួកគេយល់ថា នេះគ្រាន់តែជា ការថតកុនប៉ុណ្ណោះ តែបែរជារឿងពិត ទៅវិញ។
នេះបើតាមប្រភពព័ត៌មានបានឲ្យដឹងថា ពិធីរៀបអាពាហ៍ពិពាហ៍ យ៉ាងអធិកអាធមមួយ បានប្រារព្ធនៅក្នុង សហគមន៍មួយ នៃខេត្ដ Guangdong ដែលបង្ហាញពី រថយន្ដស៊េរីទំនើបជាច្រើនគ្រឿង និង មានគេឃើញ កូនកំលោះ ដើរចេញពីក្នុង រថយន្ដមួយ ចំនោមនោះ ក្នុងសំលៀកបំពាក់ដូចជា ស្ដេចចិនបុរាណ។ អ្វីដែលកាន់ តែចាប់អារម្មណ៍នោះ គឺអ្នករួមដំណើរ នឹងកូនកំលោះ ក៏សុទ្ធសឹងតែ ស្លៀកសំលៀកបំពាក់ បែបចិនបុរាណទាំងអស់ ដូចជា ក្នុងរឿងភាគចិន ឆ្ពោះទៅកាន់ គេហដ្ឋានកូនក្រមុំ។
សម្រាប់រឿងរ៉ាវទាំងនេះ បានធ្វើឲ្យសាធារណៈជនមួយចំនួន យល់ថា ពិធីរៀបការសម័យថ្មី ចូលចិត្ដចាយលុយ និងបង្អួត សំភារៈថ្លៃៗទាំងនោះ ជាជាង ចង់បានសុភមង្គល។ ចុះប្រិយមិត្ដ យល់ស្របដែរឬទេ?
ប្រភពពី បរទេស
